Pagina:Decurtins - Rätoromanische chrestomathie, XII.djvu/355

In di romontsch en l’ Aula a Cuera

clamau il pievel romontsch e principalmein la dunna romontscha tier la defensiun dil lungatg mumma. Tier la dunna engiadinesa, la dunna, ch’ ei igl indicader della secunda dil spért d’ in pievel, ei semanifestaus il pli grond entusiasmus, la pli schubra passiun per nies romontsch, e quei ei la megliera garanzia, ch’ il risvegl dil romontsch vegn sco las rudialas 5 d’ aua a serasar adina pli lunsch e pegliar tut il pievel romontsch, senza schar muncar buc ina e buc in. Cheu sin la scola cantonala, nua che la giuventetgna ord las differentas valladas vegn ensemen, savein nus sperar in attent, profund, fretgeivel studi dil romontsch. Possi levar ina nobla schalusia denter quels, che 10 vegnan neu dal studi dell’ antiquitat ed ils giuvens, che sededicheschan all’ educaziun digl agen pievel, tgi che presteschi pli el romontsch. Oz ch’ il seminari dumbra sis classas san ils futurs scolasts cun success batter per la plema. Veglien tuts studiar cun premura e perseveronza il bi lungatg mumma e sia literatura orala e scretta. Nies poet Florin Camathias siara 15 sia canzun „Nossa viarva“, che scadeina sco il dutg alpin, che meina il latg dils glatschers en la vallada, cun ils plaids: Romontsch, nies vegl lungatg grischun, O retica faviala, Eis ti buc il pli niebel dun 20 De nossa tiara biala? Romontsch, lungatg alpin sonor, Tiu tun ei deletgeivels; Tiu cant dat anim a nies cor, De star a ti fideivels. 25 Romontsch, miu car lungatg matern, Empriu hai tei en tgina, E dultschamein en miu intern Aud’ jeu la vusch carina. Perquei, romontsch, stai nies lungatg 30 E viva nossa viarva, Schiditg sco sin nos quolms il Matg Verdegia nova jarva! Vusez, cars scolars cantonals, essas la nova jarva, che verdegia sin il quolm romontsch. Possies vus portar la carezia ed igl anim per il 35 lungatg mumma sco in scazi d’ aur culau, che vus haveis gudignau entras in serius studi, en la modesta casa de scola, en la veglia baselgia, sin il plaz cumin, en la sala de dertgira, en nos cussegls. Possies vus esser