Pagina:Goldoni - Opere complete, Venezia 1908, II.djvu/597: differenze tra le versioni

{{Pt|{{Indentatura}}}}

{{Sc|Pasqualino}}. Vegnì qua; andemo a la malvasia (’).

{{Sc|Bettina}}. A la malvasia mi no ghe son mai stada, e no ghe vogio

gnanca andar.

{{Sc|Pasqualino}}. Andemo dal scaleter (a).

{{Sc|Bettina}}. A cossa far dal scaleter? Quei vinti o trenta soldi che

volè spender, no xe megio che i magne a casa vostra co le

vostre creature?

{{Sc|Bettina}}. Mo perchè no ghe voleu vegnir? Volè far sempre sta

vita? No sé gnancora stufo de farme pianzer, de farme sgangolir?

{{Sc|Pasqualino}}. Cossa voleu che vegna a far a casa? Mi no gh’ho

gnanca un bezzo.

{{Sc|Bettina}}. N’importa; vien a casa, fio mio, che fin che ghe xe roba,

magneremo. Sior Pantalon xe tanto de bon cuor, ch’el ne

agiuterà.

{{Sc|Pasqualino}}. Mio pare xe in colera; el me vorà castigar. No

vogio che el me trova; a casa no ghe vogio vegnir.

{{Sc|Bettina}}. Mo vien sora de mi, no aver paura. Ti vederà che tuto

se giusterà. Basta che ti sii bon; che ti tendi al sodo; che

ti me vogi ben.

{{Sc|Pasqualino}}. Fegureve, che quando mio pare sa che gh’ho dei

debiti, cossa ch’el dirà.

{{Sc|Bettina}}. Povereta mi! No voria che t’intra vegnisse qualche desgrazia. Fio, tiò, vissere mie, tiò sti manini, impegneli, vendeli,

fa quel che ti voi e paga i to debiti. Vogio viver queta, no vogio

altri afani de cuor. (si leva gli smanigli e li dà a Pasqualino

(a) Ciambellaio.

(I) «Luogo o bottega’ dove si vendeva la malvasia o greco, vino dell’Epiro: v.

Boerio, I. e; Tassini, Curiosila venez., 416; Moimcntì, Vita pritt.. Ili, 251. Nel Settecento l’uso del caffè lece assai diminuire quello della malvasia.

{{Pt|</div>}}

<references/></div>