Prose ladine bellunesi/4: differenze tra le versioni

<section begin="avz"/>25%<section end="avz"/>

<section begin="arg"/>Da definire<section end="arg"/>

 

LUISA MANFROI

 

Te chi ani là, rispet a calche zentenèr de ani en avant, l era cresù el numero de le vache e anca le fameie che stea te sti paes. I avea tuti bisogn de se slargà e de avé pi roba, tant che no l era difizile che i catese da dì tra en comun e ‘n aoter par el dirito de siegà.

Ben cognesuda l é la famosa "lite de Colmont", tra Valada e le Regole de Canal, par siegà i prai de Colmont, sot le zime de l’Auta. 'Na barufa che s’à sturtà drio par diversi ani e che s’à fenì par medo de tribunal.

'N tel Trezento, Primier e Falciade i à catà da che dì par via dei pascoi deintorn al Focobon e ala Venegiota. Calche zentenèr de ani dopo, cande che l era en bal la barufa de Colmont, entorn al Siezento, chi da Moena i se ciapea par le straze con chi da Falciade par i termen e i pascoi del Paso San Pelegrin. La malga la venìa data ai malghèr en grazia de en ato publico, onde che venia dit s-cet chel che i malghèr i dovea fà, come giustà el cuert de la casera co l era bisogn, siegà i prai sol che apede ale malghe ma no pi 'n là, parché servìa a pascolà le vache. No le fede e le ciaore, parché chele le dovea sta pi aote come alteza.

 

Anca riguardo al bestiam. de solito l era vache, mande e vediei. Manco enveze l era le fede e le ciaore che se podea portà su par i pascoi.

I ghe cenìa anca che l bestiam, co l venia portà 'n montagna o cande che l desmonteghea, el pasese par troi e strade segnade. Se i dea fora. i dovea pagà en tant. No l era del tut sbalià, se se pensa, parché na malga de vache la podea fà pi dan de chel che se pol se pensà, cande che no la stea 'nte strada.