Pagina:Vico, Giambattista – Il diritto universale, Vol. III, 1936 – BEIC 1961890.djvu/91

de homero eiusque utroque poemate

675

IV

[DE HOMERO EIUSQUE UTROQUE POEMATE]

In exornationem perpetuam capitis XII partis II

(pag. 378, n. 3).

[I]

DE POESEOS ORIGINE

[1] Sed, ut quae de poeseos origine hoc capite disseruimus, gravissime, quantum est, confirmemus, de Homero eiusque utroque poemate quaedam ad hanc rem plurimum facientia aliquanto curatius videamus.

[II]

DE HOMERI AETATE

[2] Quae ut constabiliantur universa, ante omnia est Homeri aetas definienda. Cumque apud graecos nulla inveniatur conscriptio poematis Homeri vetustior, ut scribit Iosephus primo libro Contra Apionem¹, quid nobis superest nisi ut Homeri aetatem Homero ipso probemus?

Homeri aetate omnia certamina olympica:
currus desultori, ludus annuii equester, lusus talorum.

[3] Achilies in Patrocli funere² edit omnium certaminum genera, quae postea in ludis olympicis iain Immanissima Grae-

1. § 2 [Ed.].
2. Il., XXIII, 257 sgg. [Ed.].