Pagina:Rajberti - Fest de Natal.djvu/34

— 32 —

     E sui duu pee se rangia el matrimonni.
     365E sto mercaa ’l succed là sul piazzal
     De San Steven in Brœu¹,
     Proppi in vista di banch di pollirœu;
     E ’l trœuvi natural.
     La pajsanella l’è ona polastrella;
     370On quai ann de strapazz e quai fiœu,
     E l’è gainna veggia in manch de quella.
San Steven, sospiraa
     De chi ghe pias a imprestà via la pell,
     Girà cà, trasà nott e fa bordell,
     375El sbaratta la porta al Carnevaa:
     La stagion di disnà,
     Di festitt, di zennitt,
     Di gingitt, di cisquitt, di morositt,
     Di tosann che van matt per el ballà.
     380Stagion de cottarij,
     De fior de romanad ai trattorij:
     Stagion de lusso e frascarij de moda,
     De barattà vestii tutt i moment,
     De marì malcontent
     385Che spend e spand e che hin i men che goda.

---

1. Costumanza antica ora caduta in disuso.