Pagina:Porta - Poesie milanesi.djvu/356


Donca, vegnend a nun, la va ona nolt
De luna pienna sora on baltreschin,
E alzand el sottanin
La le incensa sett voeult cont el cuu biott.
Dopo la dá de man
A on pugnattin de biella de tre tett1,
E denter la ghe mett,
Descartandi e basandi a vuna a vuna,
I sett origen de la gran fortuna,
Cioè: Peli de roffian,
Ugora de cantant, refi de socchett,
Lengua de adulator,
Gengiv de fornitor,
Crani de becch content, e on soraoss
De lader a l’ingross.

Fa quest, la seccudiss2 el pugnattin,
Le ponda in terra, la ghe fa d’intorna
Sett vosult on bicocchin3,
Sett voeult le segna cont el stamp di corna,
E poeíi (con pocch respett)
La ghe fa su sett pett.

Dopo i pett, la barbotta ona lienda4
In barlicch e barlocch ®),
Mezza in lenguagg ebrej, mezza in latin,
E intant la tira a voltra ona faccenda
Sul gust d’on barettin.
Le ciappa per el fiocch,
Le mett con gravitaa sora el zignon5,
E la dis in genoeucc st’oltra orazion

Oh argen, ai, gol, oet6, che te see stada
Su la crappa pelada
Del gran Rot, sop, mifraa
Majester di dannaa,
Cedem in st’occasion
A gloria de Astarott
Almanca tutt e vott
I sett pecca mortai del tò patron!

  1. biella de tre tett: tegame con tre piedini a mo’ di capezzoli. (Nota transclusa da pagina 360)
  2. seccudiss: scuote. (Nota transclusa da pagina 360)
  3. bicocchin: piroetta. (Nota transclusa da pagina 360)
  4. lienda: tiritera. (Nota transclusa da pagina 360)
  5. zignon: dal francese chignon, cervice. (Nota transclusa da pagina 360)
  6. argen, ai....: leggi a rovescio, teo-Iog-ia negra; come piú sotto iRo//, sop, ecc.; fraa (frate) im-pos-tor. (Nota transclusa da pagina 360)