 |
Questa pagina è stata trascritta e formattata, ma deve essere riletta. | |
| 234 | CANTI POPOLARI |
Si dici ca pri tia nn’ haju a muriri,
Ca m’hâ’ a purtari a lu ’nfiernu a bruciari.
L’uocchi sunnu la petra e lu fucili,
Lu cori è l'isca e m’ha fattu addumari;
’Na cosa sula mi resta di diri:
Ca muoru e ’un mi vuliti cuntintari. (Casteltermini).
*
139. Com’haju a fari a scurdarimi a tia,
Ca di tutt’uri la me menti è ddocu!
Di st’occhi siti la pupidda mia,
Supra lu pettu tò, lu spassu e jocu;
Vèniri fina a ccà, cu' lu facia?1
L’amuri mi cci porta ’nta stu locu;
Si veramenti vôi bèniri a mia,
Pirchì nu scinni a ’stutari stu fuocu? (Cefalù).
*
140. Pi amuri squaglirò comu lu ’nguientu,
Pi amuri lu mà cuorpu lu sfarria,
Pi amuri notti e juornu unn’haju abbientu,
Pi amuri campu di malancunia;
Pi amuri, bedda, nè viju, nè sientu;
Piersi la paci di la vita mia.
Bedda, mi pô’ gualiri senza stientu,
Quannu vegnu a la casa e trovu a tia. (Cattolica).
*
141. Fuocu, chi duni fuocu a lu mà cori,
Sempri ’mmezzu l’affanni e li diliri;
- ↑ Venire fin qua, chi l’avrebbe fatto?
