 |
Questa pagina è stata trascritta e formattata, ma deve essere riletta. | |
| AMORE, BACI | 223 |
Gigghiu marcatu, sta tò biunna trizza
Mi teni strittu e ligatu cu tia;
Mi sentu tuttu chinu d’alligrizza,
Alzannu l’occhi e taliannu a tia.
Pi lu splenduri di la tò billizza
Si nun calassi l'occhi annurviria. (Tortorici).
*
109. D’oru iia la vuogliu ’na lattuca,
E l’urtulanu sò chi la nutrica;
Li pampaneddi so’ su’ di mannuca1,
D’oru e petri domanti, e s’allammica2.
E li labbruzza so’ muzzica e suca,
Sangu cci nesci e voli chi si dica;
Na mentri chi cc’è Re, Principi e Duca
Amala a muodu tò ’na bona amica. (Casteltermini).
*
110. Unnici regni a li capi ciuriti,
Dudici donni di veli parati,
Tridici ninfi addumati pariti,
Ottu sunnu li belli ’nnamurati;
E dicinnovi amanti e vinti ziti
Si chiamaru di vui li ’nnamurati. (Palermo).
*
111. Cara patruna mia, cara patruna,
Di parrari cu vui sta lingua abbrama,
