Pagina:Pitrè - Canti popolari siciliani I, 1891.djvu/245

AMORE, BACI

219

98. Chi soni bellu, ralogiu d’amuri,
Ga cu li modi toi lu fa’ sunari;
Sona lu roggiu e sona quarti d’uri;
E ’ntra un mumentu si firmau lu mari.
La chiesa è china tutta di sbrennuri,
Sina a lu fonti di lu vattiari;
Guarda chi onniputenzia ch’è l’amuri:
Ca me matri mi fici e tu m’hâ’ sfari!...¹(Palermo).

*

99. Stenni li trizzi to’ finu a Livanti,
Cchiù pieju di lu Suli risplennenti ².
’N piettu purtati un arcu di domanti,
Ed a la gula ’na stidda lucenti;
Vattinni ’n paradisu cu li Santi,
Cà tu fa’ spasimari tanti genti;
Fa’ spasimari a mia pòghiru amanti,
M’ha’ fattu perdiri ’i mà sintimenti.(Casteltermini).

*

100. Rosa, si’ vera rosa culurita,
Nni li jardina sini cuvirnata³;
Di quanta si’ galanti, e si’ pulita,
Riggina di li Rosi si’ chiamata.
Tu si’ lu 'nguentu di la mà firita;
Sanamilla sta chiaga⁴ ’mmilinata;

1. E una bella variante del canto precedente.
2. Più splendida del sole. L’add. peju o cchiù peju molte volte nel dialetto vale bello, più bello, più splendido, secondo.
3. Sei allevata nei giardini.
4. Chiaga, chiaja, chiaa, piaga.