Questa pagina è stata trascritta e formattata, ma deve essere riletta. |
218 | CANTI POPOLARI |
Cà pi li strati vaju pazziannu,
Arsu di siti, di fami e di sonnu;
Tu dormi ’nta ssu lettu e io m’addannu,
Affrittu vaju, e dispiratu tornu.
Dimmi: cui mi lu paga tantu dannu?
Bedda, p’amari a tia perdu lu sonnu. (Palermo).
*
96. Ti taliavu e lu piettu m’apristi,
Figlia, tuttu d’amuri m’abbunnasti;
Tutti li senzii mia mi li battisti,
A li spirtizzi1 mia ti ’ncurchittasti2;
Tu quantu amuri e putenzia avisti,
Ca c’un sulu tò sguardu m’ammagasti. (Casteltermini).
*
97. Mi fu mannatu un ralogiu d’amuri,
Ch’a li cumanni to’ stà pri sunari,
Sona li quarti, li mumenti e l’uri,
Ca ogni mumentu mill’anni mi pari.
E quannu affacci tu, codda3 lu Suli,
Chiarisci l’ariu e la stidda cumpari;
Vidi tu quantu è ’ntrinsicu4 l’amuri!
Taliari ti puozzu e no parlari. (Casteltermini).
*