Questa pagina è stata trascritta e formattata, ma deve essere riletta. |
212 | CANTI POPOLARI |
80. Passu passannu viju ’na giuvinetta,
Ch’abbivirava lu basilicò;
E io cci dissi: — ’Ammìnni ’na rametta.
Idda mi dissi: — Amuri, è tuttu tò.
Cci dissi: — Aspetta un pocu giuvinetta;
Ca ora passu e mi lu pigghirò.
Vidi ch’è sapurita sta fraschetta,
Mi duna lu sò cori e nun è sò! (Palermo).
*
81. Stanotti mi sunnaju un sonnu aurusu 1:
Idda, la bella, di l’acqua vinia;
’N testa purtava lu ’nsiru 2 amurusu;
Cci dissi: — Dammi a biri, vita mia.
Idda mi dissi: — Chi si’ viziusu!
Comu l’acqua ti dugnu pri la via?
A la scurata ti nn’acchiani susu,
L’acqua ti dugnu e zoccu vôi di mia! 3 (Alimena).
*
82. La stidda di lu Grecu si pirdissi,
’Nta lu pettu di Rosa si truvassi,
’Un haju vistu mai simili aggrissi 4,
La donna cu la stidda cuntrastassi! (Palermo).