Pagina:Pitrè - Canti popolari siciliani I, 1891.djvu/230

204

CANTI POPOLARI

Li genti chi mi cuntanu li passi ’
Nun vonnu chi vinissi cchiù nni tia;
Finoru tutti li piaciri e spassi:
Mi nni vaju e rigòrdati di mia ¹ (Palermo).

*

62. Lassassi dittu quannu iia murissi,
Chi lu mà cuorpu ’n cuoddu lu tuccassi;
Vinissi la mà ’manti ² e mi vistissi,
E sinu a lu curchiettu ³ m’agugliassi; ⁴
Pua ntra ⁵ 'na sepurtura mi mittissi,
E la ma ’manti un suspiru jittassi;
lia di miezzu li muorti rispunnissi:
— Ti nni va', armuzza mia, sulu mi lassi? (Casteltermini).

*

63. O Ddiu, ch’avissi lù munti di l’oru,
La Zicca di Missina a miu cumannu!
Di lu Granturcu avissi lu trisoru,
Quattrucent’unzi di rennita l'annu;
Ogni mircanti mi dassi lu nolu,
Ogni panneri ’na pezza di pannu,
Ogni fratuzzu mi dassi a sò soru:
Chista grazia a Ddiu cci l’addumannu ⁶.(Catania).

1. Cfr. col n. 93 della raccolta del Salomone-Marino.
2. ’Manti, amante.
3. Curchiettu, metatesi di crucchettu, crocchietto, gangherello.
4. Agugliari, affibbiare, abbottonare.
5. Poi, dentro.
6. Un canto affatto simile è nella raccolta del Salomone-Marino,