Questa pagina è stata trascritta e formattata, ma deve essere riletta. |
196 | CANTI POPOLARI |
Firmati si ’firmaru li baleni,
Si firmaru p’onuri e curtisia:
Lu celu si firmau pi tantu beni,
La terra puru è firmata pi tia;
Firmati, stilli ed arii sireni,
Fermi un pocu, ca parra la mè Ddia.
(Camporeale).
*
45. La Luna ’n cielu, e vu’ luciti ’n terra,
Siti ’na donna di billizzi rari;
E spirluciti1 cuomu ’na lanterna,
Cuomu varca a macieddu supra mari,
Nni lu tò piettu ’n aceddu cci verna,2
Nni la tò vucca un angilu cci arriri:3
Bella, ca fusti fatta ’n vita eterna,
Tutti l’arvuli sicchi fa’ hjuriri. (Casteltermini).
*
46. A lu mari di Letu ’un cc’ò cchiù funnu:4
Buonu fannu li donni ca ’un cci vannu;
Ora cci vaju iia ca ’un mi cunfunnu,
Staju di prima sira fina a juornu.
Quattru galeri spannati cci sunnu,
E ’n’antri quattru pri lu mari vannu;