Pagina:Pitrè - Canti popolari siciliani I, 1891.djvu/213

BELLEZZE DELLA DONNA

187

Iu, quannu tuoccu ssa bianca carnuzza,
Chista manuzza mia sempri s’arrizza;
Lu vuostru nnomu chiamasi Micuzza,¹
Ca nun vi passa² nissuna billizza. (Castelbuono).

*

24. ’Na scocca³ d'oru tu purtari pôi,
Cu dui petri domanti belli assai,
Dui stiddi fini su’ l'ucchiuzzi toi,
Ed a cui guardi ’nciammari lu fai:
Ca biddizzi nn’ha’ avutu avanti e poi,
Li raggi di lu Suli tutti l’hai;
E cui possedi li biddizzi toi,
Campa quantu Nuè, nun mori mai. (Bagheria).

*

25. Signura, ssi capiddi ’naniddati,
Ca ’nta ssa testa scioti li tiniti,
Li duvìssivu tèniri ’ngastati
’Mmenzu petri domanti e calamiti.
E vui, signura, lu celu acchianati,⁴
Parrati cu li Santi e po’ scinniti,
Di chiddi grazii chi vu’ addimannati
Vi li cuncedi Ddiu, cà bedda siti. (Alimena).

*

26. Àuta di castità supra li celi,
Funtana di billizza, Suli, e Luna;

1. Micuzza, Domenicuccia.
2. Passare qui nel senso di vincere, sopravvanzare, come in Boccaccio, Cavalca e Davanzati.
3. Scocca, nastro.
4. Acchianari, salire.