 |
Questa pagina è stata trascritta e formattata, ma deve essere riletta. | |
| 186 | canti popolari |
Cu Àncila e Luigia e Sarafina,
Maruzza, Ninfa ’Gnazia e Giuliana,
Paula, Parma, Vita e Catarina;
Di li billizzi ’nnavanzò Nniriana. (Alimena).
*
21. Mannu ’na littra cull’F. e lu G:1
Bellu lu nnomu e bella siti vù’;
E siti cuomu l’Arcu di Nuè,
Ca si fa l’arba s’affacciati vù’.
Luci la Luna e li stiddi midè,2
Lu Suli affaccia pri adurnari a vù’.
A firriari, l’aguali nun cc’è
’Na picciotta pulita cuomu a vù'. (Casteltermini).
*
22. Nn’haju passatu ciumi senza ponti
E pi vidiri a vui donna galanti!
Vui siti bella, graziusa e pronti,
Si’ specchiu ca l’aduranu li Santi;
’Nta ssu pittuzzu vi cummeni un fonti,
E firriatu di petri damanti;
Cu’ pigghia acqua di ssu beddu fonti,
Si pò chiamari lu re di l’amanti. (Termini).
*
23. Quantu si’ biedda, ciuri di cucuzza,
E di lu zuccu pri finu a la trizza!
’Nanieddu teni tu ’nta ssa manuzza,
Quattru petri diomanti; dui pri trizza:
