 |
Questa pagina è stata trascritta e formattata, ma deve essere riletta. | |
| 184 | canti popolari |
16. Bedda, li to’ biddizzi li pô’ scriviri,
Ogni mastru nutaru1 li pò lèiri2:
Lu fonti di lu Leti lu pò’ viviri;
’Mmezzu di l’àutri donni ti pôi sèdiri.
Vinniru ’i me’ parenti pr’ a tia vìdiri3;
Di li biddizzi toinni sunnu allèghiri4;
Bedda, quantu si’ bedda ’un lu pôi cridiri,
Ca sempri a lu tò latu vurria vèniri5. (Alimena).
*
17. Spingulidda d’argentu lavurata,
Lavuratedda di bona mastria,
Lu jornu di li parmi fusti nata,
Vattìatedda imi la signuria,
Di quantu è granni ssa tò ’lluminata,
Ti fannu festa Roma e Scavunia,
Ti fannu festa Valenza e Granata,
E lu Granturcu cu la gran Turchia! (Palermo).
- ↑ La qualitá di maestro data al notaio palesa per se stessa l’antichità del canto.
- ↑ Lèiri per leggiri è anche in Palermo.
- ↑ Pr' a tia vìdiri, per vederti. I Siciliani, come gli Spagnuoli, usano spesso il complemento di termine pel complemento oggetto.
- ↑ Allèghiri, epentesi di allegri.
- ↑ Variante di Casteltermini:
Guarda, la tò billizza si pò scriviri,
Ca nni piva dari a li ricchi e a li poghiri,
Di quantu nn’haju vistu e nn’haju a vìdiri,
St’uocchi fannu funtani senza chioviri;
Ha’ li capiddi to’ lìvari lìvari [Lìvari, liberi, sciolti],
Ca mina lu livanti e li fa smoviri;
Guarda, la tò billizza ’un si pò diciri,
Ca sempri dunni tia ’un mi ’urria moviri.
