 |
Questa pagina è stata trascritta e formattata, ma deve essere riletta. | |
| 182 | canti popolari |
Vui siti la rigghina di li belli,
E di li belli nn’avanzati milli;
’Nta carni e ossa, ’nta cuòriu e pelli
Siti, scanciu di Luna, Suli e stilli. (Noto).
*
11. Novi räi billizzi naturali,
Novi gemmi sireni e gintilizzi,1
Novi cori ’nciammati e ben fatali,
E novi perni2 a ssi pumpusi trizzi,
Novi Dei, novi archi triunfali,
Novi pompi sireni e gintilizzi,
E novi som e novi Ninfi aguali
Nun pòttiru avanzari ssi billizzi. (Camporeale)
.
*
12. Funtana di billizzi e d’acqua-aranci,
’Na bedda comu a vui ’un si pò dipinciri,3
Bella, ca4 l’àutri belli li fai ciànciri,
Pi la pena, di níuru li fai tinciri;
Vattinni 'n cielu e va canta cu l’ancili,
Ca l’ancili cu vui cci ponu vinciri;
Nn’aviti li moda di 'i stessi ancili,
E li muorti di ’n terra li fai spìnciri5. (Noto).
*
13. Si’ rosa russa, ’ncelica simigghia,6
Ca tutti li billizzi aviti vui;
