Questa pagina è stata trascritta e formattata, ma deve essere riletta. |
BELLEZZE DELLA DONNA | 181 |
*
9. Bella, ca fusti fatta ’ntra Paliermu,
E vattiata ’ntra un fonti binignu;
Cálanu li pittura d’ogni riegnu
Pri dipinciri a tia, capiddu biunnu;
A la tò casa cci sècutu a viegnu,1
Viju li to’ billizzi e mi cunfunnu;
Quannu nascisti tu trimà lu ’nfìernu,
Nascì<ref>In molti comuni dell’Isola si fanno terminare in à e in ì le terzepersone del presente indicativo, che in altri escono in au, ò, iu./ref> la Bella di tuttu lu munnu. (Casteltermini).
*
10. Ancili, Arcancili, Sirafini eterni,
Calàti li pitturi a milli a milli;
Calàti, e dipingiti facci belli,
’Nta sta banca d’amuri2 cci nn’è milli.
- ↑ Cci sècutu a viegnu, proseguirò a venirvi.
- ↑ Banco d’amore, qui la donna.
Firriari vurria l’Arpi e la Magna
Pri vidiri li billizzi d’ogni terra.
Cercu un ajutu di li mei cumpagni,
Li to’ billizzi mi dunanu guerra;
Quannu affacciati vui, luci la Magna,
Trema lu suli, lu celu e la terra.
E in Gibellina:
Cogghiu ’n aranciu di Palermu e Spagna,
Puru ’ntra la Turchia e in Inghilterra;
Chista è una donna comu ’na ghirlanna,
Cchiù di cent li paisi teni ’n guerra:
Sula si parti e va nni sò mamma,
Sula si parti e si nni va a la guerra.
Moru chi figghia chi fici sò mamma!
La fici bedda e la fici superna.
Quannu camina, li galeri sparma,
Cu’ la talia, campa ’n vita eterna.