 |
Questa pagina è ancora da trascrivere o è incompleta. | |
| ⭑[ 23 ]⭑ |
El resentin di argent di Giès
SONETT
Lampamped, cros, ostensori, candirèe,
E tucc quj poch’argent, ch’eva restàa,
Ai Gies di Pret, di Monegh, e di Fràa,
Hin già in di man di Scribi, e Farisée.
No serv’el piansg, nò gh’è nè lù nè lèe,
E in manch de quella s’è vedùu spojàa
Altar, e sacrestii, e fin pelàa
On oltra voeulta San Bartolamèe.
Quest l’è on sprezz del SIGNOR, l’è ona rapina,
Che fà scagg a tucc quj ch’hà on pòo de fed:
MaseDIAtant e tant no jerovina,
Se no ’l manda sti lader al bordell;
Ah! la vedi in d’on spegg..., e boeugna cred,
Che el voeur serviss de lor per nost flagell.
