 |
Questa pagina è ancora da trascrivere o è incompleta. | |
| ⭑[ 19 ]⭑ |
L’Albor della Libertàa
SONETT
Vai Franzes a Milan,vàn a Bologna,
Vàn dell’Italia in tanti bei Zittàa,
E se pienta per tutt senza vergogna
L’albor che disen della libertàa.
Intant, se fà man bassa, e a chi besogna
Renunzià el post, e i titel, chi è mandàa
In ostagg, o in preson, quest piang, quel rogna:
Hin tucc sciàvv de cadæna, hin tucc sbiottàa.
Ma se quist hin i frut de quella pianta,
Ah fioeui dervii i oeucc, e abbièe rossor,
Che on nomm bosard el ve imbriaga, e incanta.
L’albor de libertàa; ma infama, e porca,
Che l’impesta i contrad col sò fetor,
L’è on pal... ma on palo turch pesg d’ona forca.
