 |
Questa pagina è ancora da trascrivere o è incompleta. | |
| ⭑[ VIII ]⭑ |
Se Giordan l’è on General
De gran spiret, e talent
Se Massena, se olter tal
Han credùu de mett spavent
Ai:Todisch, lù l’Arziducca
El gh’ha fàa sbassà la gnucca.
Su i scimoss del Verones,
Peu a Legnagh, cossa n’ha’l fàa
De prodezz contra i Franzes,
On Krai sol? Battùu, sbandaa
In d’on bott de scià de Pò
S’è vedùu Scérer, Morô...
Menasciaven ben costor
Foeugh, e fiamma in ritirada;
Mai Todisch, e unii con lor
Avanzènn’i Russi all’Ada:
Se presenta on SOVAROFF
Serruriè l’è in bocca al loff.
