Pagina:Goldoni - Opere complete, Venezia 1913, XVII.djvu/305

293

ATTO SECONDO.

SCENA PRIMA.

Camera in casa di Tonina.

Tonina e Pasqualino.

Tonina. Bravo, sior Pasqualin. Mo per diana de dia,

Della vostra persona fe una gran carestia.
Altro che dir: Tonina xe la mia virtuosa,
Ghe voggio tanto ben, la vôi per mia morosa.
Do dì senza vegnir? dove seu sta? disè.
Pasqualino. Sono stato....
Tonina.   No credo.
Pasqualino.   Lasciate dir.
Tonina.   Tasè.
Credeu che no lo sappia che andè ziradonando¹
De qua, de là, per tutto le virtuose usmando?²
Disè, seu sta gnancora da quella Fiorentina,
Che xe qua capitada, o gieri o stamattina?
Pasqualino. No, non ci sono stato.
Tonina.   Savè, che l’è arrivada.
Pasqualino. Lo so.
Tonina.   Mi ghe scometto, che l’avè visitada.
Pasqualino. No davvero (ride)
Tonina.   Ridè?
Pasqualino.   Rido, perchè pensate,
Che tutte le ragazze sian di me innamorate.
Tonina. non digo che tutte sia de vu innamorae;
Se credè d’esser bello, vu v’ingannè d’assae.
Digo che vu, sior sporco, andè de qua e de là
A far el licardin,³ a far l’innamorà.
Pasqualino. Credetemi, Tonina...
Tonina.   Tasè là, che so tutto.

1. Girando.
2. Usmar, seguire a fiuto l’orine: cfi. i vocabolari del dialetto veneziano di G. Patriarchi e di G. Boerio.
3. Vagheggino.