 |
Questa pagina è stata trascritta, formattata e riletta. | |
| I PUNTIGLI DOMESTICI | 367 |
Brighella. Caro ti, lasseme star.
Arlecchino. No gh’è remedio. Ti gh’ha da morir per le mie man.
Brighella. Paesan, va via.
Arlecchino. No gh’è remedio.
Brighella. Va via, che sarà meggio per ti.
Arlecchino. Ti gh’ha paura, ti.
Brighella. Quel che ti vol; gh’ho paura, va via de qua.
Arlecchino. Se ti ti gh’ha paura, mi son coraggioso, e me voio batter, e te voio mazzar.
Brighella. E mi te digo...
Arlecchino. No gh’è ne digo, ne desdigo; se ti è galantomo, vien fora de qua.
Brighella. Arlecchin, te torno a dir, làsseme star.
Arlecchino. Sangue de mi, vien fora de qua.
Brighella. Ti vol che vegna?
Arlecchino. Sì.
Brighella. A batterme? con ti?
Arlecchino. Sì, se ti è galantomo.
Brighella. Son galantomo. Aspettarne qua. (parte, e torna subito)
Arlecchino. (Corallina sarà vendicada).
Brighella. Son qua. Ti voi che me batta con ti?
Arlecchino. Sior sì, con mi.
Brighella. Con ti me batto cussì. (lo bastona, e parte)
Arlecchino. Manco mal, Corallina sarà vendicada. (parte)
SCENA XV.
Camera di Rosaura.
Rosaura e Corallina.
Rosaura. Vieni qui, vieni qui, che nessuno ti veda.
Corallina. Eccovi il viglietto del signor zio, e poi vi ho da dire delle belle cose per parte di un altro.
Rosaura. Per parte di chi?
Corallina. Leggete, e poi ve lo dirò.
