 |
Questa pagina è stata trascritta, formattata e riletta. | |
| 126 | ATTO PRIMO |
Todero. M’avè fatto sto servizio delle altre volte, e son sta pontual.
Lugrezia. Xe vero, de vu no me posso lamentar.
Todero. Vardè, ve lasso in pegno sta camisiolaa...
Lugrezia. Per quanto?
Todero. Aspettè; anca sto codegugnob.
Lugrezia. Oh sior Todero! sta roba no val sti bezzi.
Todero. Tolè, ve darò anca sta scatola.
Lugrezia. Quanto varla?
Todero. L’ho comprada sta mattina da sior Boldo orese. Gh’ho dà tre zecchini e la ghe ne val più de quattro.
Lugrezia. Me despiase che no credo d’aver tutti i bezzi.
Todero. Cara siora Lugrezia, ve prego, fèmelo per carità. Se tratta della mia reputazion. Sentì, deme trenta ducati d’arzento e ve farò la ricevuta de quaranta.
Lugrezia. Per darmeli quando?
Todero. Da qua a quindese zorni.
Lugrezia. Vardè, che se no me li de, bisognerà che venda. Sti bezzi no xe mii, bisognerà che li trova.
Todero. Se no ve li dago, farè tutto quel che volè.
Lugrezia. Diseme, caro vu, se vegnisse qualche mio amigo a domandarme per servizio, che ghe imprestasse per andar in maschera sta camisiola, o sto codegugno, ve contenteu che per servizio ghe lo impresta?
Todero. No vorria mo...
Lugrezia. Cossa gh’aveu paura? No ve fide de mi?
Todero. No vorria che i me lo dezzipassec.
Lugrezia. Oh, no ve dubitè1! E pò, quando mai, son qua mi.
Todero. Mo a chi lo vorressi dar?
Lugrezia. Gh’ho un mio nevodo, che qualche volta, poverazzo! el vien da mi e l’immaschero. Oh, no ve indubitè! el xe netto co fa un zensamind.
- ↑ Zatta: indubitè.
