Pagina:Goldoni - Opere complete, Venezia 1910, VIII.djvu/128

118

ATTO PRIMO

Tonina. Un lustrissimo da de fora.

Giulia. Caspita! la gh’averà buttà ben.

Tonina. Patrona, siora Orsetta.

Orsetta. Patrona, siora Tonina.

Giulia. Oe, la diga, cossa gh’alo donà el compare?

Tonina. Un bel da gnente niovo. Eh, no se usa più.

Giulia. Sì ben, a la granda, a la granda; gnente.

Tonina. Patrona, siora Chiaretta.

Chiaretta. Patrona, siora Tonina.

Tonina. Patrone, patrone.

A Tre. Patrona, patrona.

Tonina. Patrone. (parte)

SCENA IV¹.

Siora Giulia, Orsetta e Chiaretta.

Giulia. De diana, co la se petta, no la la fenisse mai.

Orsetta. Se andemo ancuo, la ne parecchierà da marenda.

Chiaretta. Mi a pettarme su un² balcon, no gh’ho gnente de gusto; co no andemo sul Liston^a, mi no vegno gnanca fora de casa.

Giulia. Cossa voleu che andemo a far sul Liston? Ghe xe un mondo de baronaggia, che no se pol camminar. Truffaldini, purichinelli, gnaghe^b, tutti i baroni ghe corre drio, e co se gh’ha intorno qualcossa de bon, se va a rischio de imbrattarse. No, no, fie mie; la roba la costa bezzi. Anderemo da siora Tonina, vederemo a passar le mascare. Se no altro, la ne darà del vin dolce, e po chi sa? No ve dubitè gnente. Anca da ela ghe va dei scartozzetti^c, i se farà onor. Anca nu beccoleremo^d qualcossa. (parte)

1. Luogo del passeggio delle maschere nella Piazza di S. Marco
2. Maschera uomo vestito da donna della plebe, che parla, e parla con qualche libertà.
3. Giovinotti.
4. Mangeremo, buscheremo.

1. È unita alla scena preced. nell’ed. Bett.
2. Bett. e Pap.: sun un.