Apri il menu principale

Pagina:Goldoni - Opere complete, Venezia 1910, VII.djvu/238


Brighella. Un poco de tutto, védela, zentildonna.

Corallina. Saveu conzar la testa?

Brighella. Cappari! son scolaro de monsù Maronè.

Corallina. Saveu cusinar?

Brighella. Ho impara da monsù Pattacchiè.

Corallina. Saveu spender?

Brighella. Son sta arlevà da monsù Sgrafignè.

Corallina. Saveu portar un’ ambassada.

Brighella. No vólela, son sta a scola da monsù le Metre Franse.

Corallina. Donca, co gh’ ave tutte ste abilità, licenzieve dal vo- stro patron, e vegnì a star con mi, che ve torrò volentiera.

Brighella. Ma... averò l’onor de servirla... senza che me licenzia dal mio padron.

Corallina. Cossa gh’ intra con mi el vostro patron ? Parlerò co sior Pantalon, e ve torremo al nostro servizio.

Brighella. Cara eia, la perdoni, me confondo un pochetto. No r intendo ben, illustrissima.

Corallina. Oh, co sé un alocco, no fé per mi.

Brighella. Ma la supplico ...

Corallina. No no, vecchio, mi no gh’ho bisogno de zente alocca.

Brighella. Ho inteso benissimo, ma voleva mo ... cussi, (ìnzer de no saver ogni cossa.

Corallina. Oh bella ! No saveu che son no vizza de sior Pan- talon? Cossa voleu finzer de no saver? Br1GHELU\. (Oh diavolo!) (da se) So benissimo che eia l’è la sposa ... de sior Pantalon.

Corallina. Sì ben, de sior Pcuitalon.

Brighella. Benissimo ...

Corallina. E se volè vegnir a star con mi, ve torrò.

Brighella. Grazie ...

Corallina. Licenzieve dal vostro patron.

Brighella. Senz’ altro ...

Corallina. Cossa xe che me pare incanta?

Brighella. Oh gnente ... Con so permission, illustrissima.

Corallina. A revéderse.