 |
Questa pagina è stata trascritta, formattata e riletta. | |
| I PETTEGOLEZZI DELLE DONNE | 443 |
Beppo. (Ho inteso; nol vol che staga qua). (da sè) Checca, a revèderse.
Checca. Beppo, voggieme ben.
Beppo. Sto cuor xe vostro.
Checca. Sia benedetto el to cuor.
Toni. Do novizzi che se vol ben, la xe una gran bella cossa. (parte)
Beppo. Cara culìaa! (parte)
Checca. Caro colùb! Son la donna più contenta che sia a sto mondo. Quelle care mie zermane le me aveva fatto vegnir caldo; ma de ele no ghe ne penso. Co Beppo me vol ben, co Beppo xe mio, ghe n’indormo a1 tutte ste pettegole, e no le vôi praticar. (parte)
SCENA V2.
Strada.
Donna Cate con cestello di panni bianchi.
Merlino con cesta in testa.
Cate. Via, andemo a portar sti drappi. Anemo, cammina.
Merlino. Oh, chisso lavorare non me peace.
Cate. Se ti vol magnar in sto paese, bisogna che ti laori.
Merlino. Me peace chiù battere la birba, domannà la lemosena.
Cate. Certo; se ti domanderà la limosina, tutti te cazzerà via; va a laora, i te dirà: furbazzo, va a laora.
Merlino. Eh, io saccio fare lo mestiere mio. Varda: uno poco de lemmosena a chisso povero monco. (fa il monco) Facite la caretà a chisso povero stroppiato. (fa lo stroppiato) La caretà a lo povero cieco. (fa il cieco) Moveteve a compassione de uno povero fravecatore, che caduto da una fraveca no po chiù lavorà. (cammina col preterito e colle mani)
