 |
Questa pagina è ancora da trascrivere o è incompleta. | |
Il mat la giuvna siarr’ en bratsch
E betscha sias niallas.
La spusa spring in pezzi tratsch
20Al spus sin las schuviallas,
E di: „Miu car, va ella mort,
Sche Dieus less quell’ unfrenda,
Uss ei la patria tia
sort,“
Di l’ Onna de Caspenda.
25Il giuven pèr ha priu comiau
La giuvna en baselgia
Senclina cun il tgau sbassau,
Sco ina casta gelgia.
Ed ella ura per siu spus:
30„Maria o po renda
Quei giuven prus e valerus
A l’ Onna de
Caspenda.“
Il signun.
Il signun dell’ alp Soliva
Stat sil tgiembel vi sur tegia.
Sul quolm vi sezuolan neblas
Grevas stgiras. Ei camegia.
5 Il signun fa sontga crusch
Ed el aulza sia vusch:
Segner lai la montanera
Che ruaussa leu en stavel,
Preservada e bein schurmiada.
10Tegn tiu sogn maun, sur muvel e pavel.
Sur mes purs e sul pastur,
O pertgir’ els car Signur.
Sche retegn po la tempiasta,
La malaura maluordada
15Cun pussonza e cun fermezia,
Tegn a mistregn la nauscha bargada,
Malvuglida de striegn
Ed il bov vi Lavaz tegn.
La patria.
Patri’ a ti uss per adina
Dundel jeu comiau!
Il ligiom che nus ligiava
Haiel jeu scarpau.
5 Schia en anetga gretta
Ha in mat clamau.
Il fest verd el pugn plein gnarva
Ha el viagiau.
Ha girau per tuttas tiaras,
10Sur bia quolms e valls.
El ha viu bufatgas casas,
Majestus castials.
Pleins pocals, egliadas dultschas,
Bein enqual maun car,
15Mo tutina sia patria
Fuva mai d’ anflar.
