 |
Questa pagina è ancora da trascrivere o è incompleta. | |
Han buc ils bos sin prau megiu?
90Gebein, da legherment!
Il bien solegl va da rendiu,
Il criec sut tetg sclarend.
Cheu clom’ il buob, stend sil dumiec:
„Mirei! Ded aur ei oz nies criec!“
95E mumm’ e bab dad ault confessan:
„Nies criec ded aur! Con rehs nus essan!“
Il davos di dil caplon Condrau.
(Nach Gasetta Romontscha, Nr. 16, 1899.)
Cun l’ alv’ ei a Rueras oz glisch el sanctuar,
Gia sbrinzlan las fanestras, candeilas ardan clar.
Il pievel oz serimna cun prescha beinmarvegl,
Avon ch’ ils quolms terlischan els radis dil solegl.
5 Co statan en schenuglias, urond, bargiend els bauns,
Las giuvnas tujetschinas, las rietschas de dunauns!
Lur vestas ein oz alvas, ils mauns aschi tremblonts,
E cun lur mummas bragian sin bratsch ils pigns affons.
Odem baselgia statan ils umens en rudi
10Cun fatschas anguschusas dil giuvenessendi.
Entuorn entuorn baselgia formeschan ina seif
Turschets e buis e spadas plontadas ella neiv.
Tadlei! Il zenn semova, el tucca cun fracass,
Baul tucca sco de stuornas e baul sco sch’ el plirass.
15Snavur il pievel carga, el crei tut tementaus,
Ch’ il di dellas posaunas per el sei arrivaus.
Uss pass’ ord il teschamber Sur Giachen, il caplon,
Ad el cun rassas cotschnas dus buobs van ordavon.
Igl um de fier e possa, — oz eis el sco sfraccaus,
20Siu egl, de fiuc antruras, cun larmas ei bognaus.
La sontga Mess’ entscheiva. Il venerabel um
Di oz cun vusch tremblonta: Dominus vobiscum!
Mo quella lunsch retuna, sco sch’ ella less curnar:
Ils lufs entuorn las nuorsas entscheivan ad urlar.
