 |
Questa pagina è ancora da trascrivere o è incompleta. | |
5 Sc’ in luf la mort cucheg’ ord sia tauna,
Ses egls pitgivs prest cattan ad agur
Sin loscha prada ina giuvna flur,
Che rend’ al mund bellezia permavauna.
Il miers de sia faulsch ell’ aunc emprova
10Trai il manti ners sco la notg, a dies
E pass per pass bufatg engiu semova.
Uss ei la leu. „O fui ti flur schi cara!“
Ei schul’ in tagl, ch’ ei va tras cor ed jess
La flur flurida strusch, sedersch’ en bara.
P. MAURUS CARNOT.
Poesias.
Jeu lasch’ encrescher.
(Nach Igl Ischi, S. 24, 1909.)
Carin vitget sill’ amureivla spunda,
Pertgei has ti, pertgei po bandischau
Il plaid romontsch dals vegls schi carezau,
La viarva clara ferma e rodunda?
5 O mira, culla sanguinusa unda
Han tes babuns quei plaid romontsch bognau
E tes affons han freidamein scatschau
La cara schualma dalla veglia grunda!
Pertgei extrader la canzun romontscha?
10Sa il gudogn canzuns bein remplazzar?
Freids rest’ il cor tier quella nova tschontscha.
Jeu lasch’ encrescher, less tei reclamar,
Car plaid romontsch, pil qual miu cor ballontscha,
Jeu sai plidar, mo mai dacor cantar.
