 |
Questa pagina è ancora da trascrivere o è incompleta. | |
En roschas vus esses curri da tuts mauns,
Dalunsch e datier ord ils vitgs ed ucclauns
Cheu essas sil camp de honur compari
20Per tuts aquistar a cantond in tschupi.
Derschaders oz dattan sentenzia, gl’ ei ver,
Denton mo curascha, tgei veis de tumer?
En liungs exerzecis empriu veis ils tuns
Per batter cun glori’ il combat de canzuns.
25Flem trai ord las tiaras bia jastiers neutier,
Reginas aschizun han cheu priu lur quartier.
Figei vus cantadurs, vus oz fiasta cun nus,
Cheu speras nos lacs ed uauls maiestus.
Per vus honrar e ritscheiver d’ engrau
30Cun matgs e bandieras il vitg vegn ornau.
Murtês cheu repettan cun plums imposants:
Beinvegni tier nus, cantadurs sursilvans!
ALOIS T. TUOR.
Poesias.
(Als Inedita nach dem Autograph des Dichters.)
Il mulin.
Udis puspei co l’ aua croda
Cun grond fraccas ord la canal!
Udis a scadanar la roda
Sissum il vitg odem la vall!
La roda dil mulin pussava
Sut aulta neiv daditg enneu,
Ed il mulin daditg camava
Sco bandunaus e tut murtgeu.
Oz da marvegl gl’ ual tschalatta
10Ch’ ins auda l’ aua lunsch entuorn
E dal rebatter ch’ ei rebatta
Prest destedaus vegn il contuorn.
Sur notg, duront che tut dormeva,
Gl’ emprem fagugn ei arrivaus,
15E dalla neiv, ch’ il funs cuvreva,
Sur notg il funs ei terrenaus.
Gl’ emprem fagugn.
Tgi splunta cun tonta prescha
Da notg vid il barcun?
Tgi splunta, fervaghescha
cun schi terribel tun?
5 Sch’ il car antruras mava
La notg sper il baghetg,
Bufatg el mo spluntava,
Bufatg sco per schabetg.
