 |
Questa pagina è stata trascritta e formattata, ma deve essere riletta. | |
| 552 | Andrea Vital |
qualche intermezzos, chi ’s preschaintan da sai, da caracterisar in plüs rapports na be ’l poet, ma eir l’hom.
* * *
Il prüm fascicul dellas poesias da Pallioppi gnit beneventà da seis frar in Appollo, Sgr. Simon Caratsch nella rubrica Corrier d’Engiadina seguaintamaing1:
„Üna nouva modesta ouvretta comparit in quaists ultims dis alla glüsch del muond e gnit ad inrichir nossa, fin co uschè s-charsa e mes-china literatura reto - ladina. Quaist’ouvretta ais intituleda: Poesias da Zaccaria Pallioppi. L’autur dell’Ortografia ed ortoëpia del linguach romauntsch ais fingio memma favoraivelmaing contschieu in nossa valleda ed ourdvart quella, acciò füss co bsögn dad intretscher elogis a sia ultima pitschna lavur, per la recomander al public. Ognün, chi in quaist Fögl ho temp fo let sieu stupend sonet dedicho a Garibaldi e pü bod sieus bels e vigorus versins sopra l’Egalited, quel nun aspetta tschertamaing otras incitaziuns per cuorrer spertamaing nella butia Meyer in Samedan, a fer acquist del ümil opusculin uoss’uossa publicho da nos Pallioppi. In quel chatterò il lectur ed amatur da nossa lingua reto - ladina, sco avains chatto eir nus, ün linguach pür, elegant, na masdo cun otras linguas u dialects, las rimas na sfurzedas, ils vers culants e natürels ed ils temas tschernieus delicats, commovents, poetics, sco p. ex. ils buttuns da rösa, las fluors da glatsch, prümavaira, la viola, nossa patria etc. etc. Tra ils divers figls d’Engiadina, chi preschaintamaing stiran con pü o main success Apollo pels chavels, ais Pallioppi l’unic, a mieu savair, chi fin co ho tento in nossa lingua il sonet italiaun, cioè duos quartinas unidas a duos terzinas, ed in que stovains confesser ais el fich bain reuschieu. Prova sun il Garibaldi, il vadret, il cours del muond ed il firmamaint, sonets tuots, chi seguond nos imparziel güdizi laschan poch a giavüscher e meritan lod. Main fortüna ans pera il poeta, e sperains, ch’el nun pigliarò in mêl quaist’observaziun, nellas rimas umoristicas. L’unica, cha chattains in si’ ouvretta, intituleda il sfendabluozchers, avains let e relet con attenziun pü voutas, sainza podair arriver a bain chapir e scovrir ils intrigos o il möd singuler, con il quel il sfendabluozchers tramagliaiva la Lugrezia! Ün oter difet della raccolta da poesias da Sgr. Z. Pallioppi ais quel, d’esser quella per zuond memma ristretta e mes-china; ün poeta dell’eted e della forza del Sig. P. posseda indubitedamaing, tra veglias e frais-chas, ün scrign remplieu da poesias, fra las quelas, fand üna scrupulusa e minuziusa tscherna, avess tuottüna stovieu resulter pü cu solum
- ↑ Fögl d’Engiadina, An 1864, Nr. 15.
