 |
Questa pagina è stata trascritta e formattata, ma deve essere riletta. | |
| 246 | Conradin Riola |
lur sang dürand la guerra Civile: stadi della Baselgia et Martyrs in Niderland fin Ao. 1572. In special sot Duc d’Alba cun la memorabla historia da Guy de Bres, & Peregrini della Grange: Alchüns Martyrs in Venetia: Persecutions & Martyrs in Francia fin Ao. 1574. Inua vain descrit il horrend bang da sang sün las nozas da Paris Ao. 1572. die 24. Aug. & or da quel in blers plüs lous in Francia & la barbarica procedura dovrada cun il Admiral Casper Colignio: stadi della Baselgia & Martyrs per tot viedinã fin Ao. 1620. fūdamētala [fol. 10b] historia del crudel sassinamaint in Valtelina Ao. 1620. cun il nomber & noms dels sassinats in scodün lœ à parte: Alchüns Martyrs in Niderland & Hispania: Jnhuman mordaretsch & horrend bang da sang in Yrland Ao. 1641. Inua in spaci da 4. mais sun per il S. Evangeli Marturizats 154000. Christians: Inaudita tyrania & crudeltat dovrada cun ils Evannelics in las valladas del Piemont Ao. 1655. Cun la historia [quant inavant cha no podain survgnir] dellas ultimas persecutions in Hungaria Ao. 1676. In Francia & Piemont. Ao. 1686. In quella 2 da part gnarà eir üna description dels sancts & jüsts jüdicis da Dieu gnüts sur dels persequitaders da sia Baselgia: ün tractat da confort in las persecutions: Et alchünas dellas plu bellas confessions della cretta, da interas Baselgias & da particulars Martyrs. Et usche ha il fidel Lector pür in la secunda part ils plü Excellents & glorius exempels, perche plü strusch chi es gnü à noss temps et plü cha la cognoschenscha es creschüda, & usche sun eir ils discuors, confessions et disputations dels Martyrs plü fundadas: Eir gnar à in la 2 da part ün sufficient register da tots ils Martyrs et dels articuls da religiū chi vegnen in quest cudesch plü alla longa disputats, cun la generala summa da tots ils Martyrs. Ha usche à qui il Christian Lector ün gust & cuort continent eir dalla 2 da part del grand Martyrologij, la quala no cun il Divin ajüt plü baut cha possibel es daran sot la Stampa, accio cha la Baselgia da Dieu haja üna plenaria historia dellas persecutions & Martyrs, da Christo fin sün noss ultims temps.
Or del qual tot il Christian fidel po vair chi hà semper plaschü à Dieu da manar seis chars Elects jnfants davo quella via sün la quala sun passats avant Iesus Christus lur Raig, ils Prophets, Apostels & tots ils sancts, la quala sola Deis ha ordinà & sanctifica per podair, dapò chels han cun Christo à qui indürà, eir cun el in æternum viver & gnir glorificats. Vögla dimana il Deis da nos salüt â tots compartir la richa gratia da seis S. spirt chi possē quest cudesch leer cun devota attention, & tras observatiō dellas grandas miraculosas cosas chi vegnen in quel descrittas, gnir confirmats in la vera cognition da Dieu, in la cordiala fidanza in Iesu Christo crucifichà & in melior amaint da lur vita, pro il laud, gloria &
honor da seis sanctissem Nom & lur ætern salüt & beadenscha, Amen.
