 |
Questa pagina è stata trascritta e formattata, ma deve essere riletta. | |
| Zardin da l’orma | 221 |
lett da meis ölgs, è’l cufort da meis cor, da’m tschantar uschea in il trauri stadi da Viduità: Ach schi che dess eug dir? Ach schi che dess eug far, Deis da misericordia? Eug sai che ch’eug nhai da far, eug völg mai eir in quest sottametter à tia Sancta völglia, siand chia quella es saimper Sancta è buna: Eug völg taschair, eug nun völg avrir mia bocca, perche tü Segner hast fat, schi eug völg eir in quest ludar tia S. jüstia.
Deis da misericordia, eug rov tai in tota hümiltà: Ach völgias in questa mia traurgeza, far vaira vers da mai il Plæd, chia tü plagiast, è darcheu scapaintast: Seast tü in questa mia traurgeza meis pussant cufort, è cuforta mai, dapo tü’m hast tramiss tant cordöli, alleigra mai dapo tü m’hast tramiss tanta tristeza: Güda meis Deis è Bap, ch’eug possa venscher, totas las adversitats da quest stadi Vidual, ch’eug indrett porta la crusch, ch’eug sapchia mai indrett sottametter à quella, à tia Sancta völgia, per ch’eug indrett in il Segner reist’à saimper cun cufort: Schi siand eug stov cridar per mia chiara compagnia, chi da ch’eug fetscha quai cun modestia, brichia sco’ls Pagians, ils quals nun haun alchüna spranza, dimpersai christianamang, sco schi fa quel, [p. 490] il qual fermamang cragia chia tia völgia sea nun blasmabla, buna, è Sancta, sco chi fa quel ch’es sgürà chi sea resüstanza da la charn: Meis Deis, è Bap, siand privà da mia chiara compagnia, schi sta tü pro mai, seast tü meis cufort, è meis agüdant, meis coslger, mia protectiun è defensiun.
Deis da misericordia, ach guarda con gratia mai è meis orfanets: Ach Deis, è Bap, tü t’hast svess nomnà ün Bap da’ls orfens, ei schi seast il Bap da meis chiars Infants! Ach nun conceder chia tras la mort da mia chiara compagnia, els nun possen ngir elevats christianaivelmang: Hagiast tü, sco’l vair Bap da ’ls orfens pissër per els, völgias tü ils nudrigiar, vestir, elevar, cufortar, è laschar saimper cular è flüssigiar sura dad’els, è sur mai tia Paterna amur, gratia, compassiun è misericordia.
Deis da misericordia, fuossa lhura tia Sancta völgia, suainter tia Divina providentia da’m compagniar in quel S. stadi matrimonial schi maina mai in quel cun gratia, acio ch’eug possa il temp chi vanza da mia vita manar via, è passantar in pasch è paus à promotiun da meis temporal & ætern salüt: Dintant fin chi plascharà à tai, ch’eug reista in il stadi Vidual, schi impraist’à mai teis S. Spiert, il Spiert da la castità, sobrîetà, d’üna modesta & honeista vita, ch’eug saimper hagia stüdi, da far quai [p. 491] chi serva à gloria da’l Segner, ch’eug cerchia quai ch’es sü d’ sura: Perchüra mai da nauschas huras, è da mals inscunters: E siand eug sun sligià da quel S. ligiam matrimonial, schi tegnia mai ligià saimper cun il ligiam da ti’amur, gratia, è misericordia, tras JEsum Christum. Amen.
