 |
Questa pagina è stata trascritta e formattata, ma deve essere riletta. | |
| Vnna Informatiun | 155 |
Schkoa ell premgia ils giüsts, vschêa chiastig ell eir tuott malgiüsts, & tuott pachiaduors suainter sias imnatschas. Deu: 28. 15. 16. Psal: 5. 6 & 97. 2. Quaista wain numnada la iüstia imnatschada.
Quella s’ha daclarada, & s’daclæra wia dalgs tscharnüds, & reprobads.
Via dalgs tscharnüds sweß impart, impart wia da Christo.
Via dalgs tscharnüds sweß: parchiaschun ch’eaus sun parmur dalg puchia dwantads subgiets à la schmaldischun, & moart æterna. Gen: 2. 17. Deut: 27. 26. Lhura sunnai eir par causa da lur puchia subgiets in quaist muondt saimper à da tuottas soarts d’cuntradi, & afflictiun, eir a la finn à la mort temporala swes. Dan: 9. vs. 7. 14. Nehem: 9. 33.
In Christo s’ha amussada quella giüstia wia dalgs tscharnüds ilg plü clær. a Par chiaschun chia Deis à seis agian filg nun ha schaniad, b chia siond quell dwantad ünna süartad par ilg puchiad da seis tscharnüds, Schi ha Deis ilg chiastiamaint da lur puchia chi eira ætern, büttad sün seis filg, & wia da quell sia hira daclarad.
Via dalgs reprobads s’daclæra la iüstia da sia hira & s’ha daclarada, impart wia dalgs chrastiauns, impart lhura eir wia da Sathan, & seis Aunguels.
[p. 27] Via dalgs reprobads, vd’infidels Chrastiauns, parchiaschun; chia ingual schkoa i reistan subgiets à la æterna schmaldischun, vschêa ais eir ad eaus alg cuntradi da quaist muond, & ilgs temporals chiastiamaints ünn princippi da la moart, & vandetta æterna. Exod: 9. 27. Num: 16. 32. 33.
Via da Sathana ha Deis sia iüstia daclarad, ilg prüm in quæ ch’ell ilg ha büttad giuo d’tschêl. Lhura eir ch’ell ilg ha cundamnad alg föch æternal. Math: 25. 41.
Sůtt ilg nuom da la giüstia da Deis wain incletta eir la sia vardad, & la sia santitad.
La vardad da Deis ais ünna sia essentiala proprietad, tras la quala s’inclêgia, ch’in Deis nun saya, ne mantzöngia, ne fusdad ne ingiannamaint, moa tuotta parfetta realtad, & sinceritad. Quella vardad da Deis nun ais ünna qualitad in ell, dad’ell dischfarentzchiada, moa l’ais la essentia da Deis, qua tras ais Deis swes sia vardad.
Deis ais damêna d’wardad ilg prüm in saiswes, l’hura eir wia da sias creatüras.
In saiswes ais Deis d’wardad ilg prüm suainter sia essentia: Parchie chell ais wairamaingk, ætern, nun masüraunt, & wairamaingk parfett: Lhura ais ell eir ünna chiaschun efficiainta da tuott fatts, chi sun wairamaingk our d’wart ell.
Via da sias creatüras ais Deis d’wardard, in sias houwras ilg prüm, l’hura eir in seis plæds.
In sias houwras ais ell d’wardad, & la wardad swes.
