 |
Questa pagina è stata trascritta e formattata, ma deve essere riletta. | |
| 56 | Statuts dil Cumin da Trin |
2. Cargar ad alp ansemel.
Quellas 3 alps en dadens: Lavadiñas, Surcruns a Raschilgius dein cargar ad alp ansemel a buc ünna avont ca l’autra.
3. Ilg ruckiar las têgias.
Quels da Bargis dein minch’onn ruckiar las têgias, et quels de l’Armora a Lavadinnas minch’auter onn; sco er dei minch’alp minch’onn ün gi rumir a schubriar l’alp, et quell alp ner caschada ca vangiss quei bucca far dei esser sut fallonza.
4. Cargar a scargar sin l’Amora.
Las vaccas ad ils vadels, ca vengian cargai sin l’Armora, dein elg cargar a scargar ir si ’lg mender donn da las aclas suenter tschentament vêlg.
5. Davart la seif da l’Armora.
Quels da l’Armora dein adina muntaner la seif, enstailg ir si Bargis a far vuorr.
6. Davart ilg far maner ils vadels.
Er dei ilg vadlèr sin l’Armora far maner ils vadels en dadens la vall 3 emdas 8 gis giu sut, a 15 gis sisura.
7. Davart ils bischels da l’Armora.
Tuccond tiers ils bischels si l’Armora, sch’eis ei ilg tschentament vêlg c’ei deig par minchia 8 vaccas vangir mess ün bischel, lg amprim onn da la parchida sut fallonza da X 48.
[f. 8a] 8. Provisiun da la vaschella.
Minchia têgia ner caschada deig esser culponta ilg davos onn da la parchida da mirar c’ei seig 1 curtér par vacca suenter sco lg’ei parchieu giu, senza l’autra vaschella, la quala dei tut esser suenter sco lg’urden ei.
9. Nua ils pasturs da cumin dein far maner la biesca.
Ils pasturs da cumin dein suenter ilg vêgl tschentament, numnadameng ils starlèrs, vadlèrs a nursèrs far maner la biesca en logs sagirs, ner nua c’ilg cumin cumonda, a quei sut fallonza da taner ent la pagailgia a proportiun.
10. Ün biesc ca rumpess üña coma.
Milsanavont schei curdass tiers, c’ün s. h. biesc rumpess üña coma, scha possig quel vangir mess si’ lg plaun d’Bargis, mo autra biesca cun autras mendas dei esser sclausa navend.
