 |
Questa pagina è stata trascritta e formattata, ma deve essere riletta. | |
| 40 | Furmas dils Saraments |
cumin preu si per tschentament, ca ilg Oberkeit deig en process d’injurias vangir constitueus sco en faigs da leg.
Item: Davart ilg dar parditgia avont las parts eis faig per statut, ca la part, la quala producescha parditgias deig, suenter esser numnau a saramentau las parditgias, metter per scrit las dumondas vid las parditgias, quellas en scrit consengiar a lgi Derschader, ad allura en absenza dellas parts a d’ilg auditori dein las parditgias vangir tadladas a protocolladas.
Er deig scadinna differenzia avont ilg gi da dartgira vangir avont ilg constitueu project da pasch, par far inn’amprova d’amicabilitat denter las parts litigantas.
[f. 12b] Sur da scumondadas eis 1843 ils 23 Febr. faig par statut, ca in ilg qual vult far inna scumondada da buc laschar passar tras seu prau, ei seig mai a pei ner cun manadiras, deig far l’instanzia tiers ilg sgr. mistral, lez deig publicar l’amprima domengia sin vischneunca l’instanzia faitgia, nua ca quel, ilg qual pretenda per vau cou, deig quel seu pretendeu dreg notificar a lgi mistral, ad allura, suenter ca part a cuntrapart han realisau las pretensiuns avont ilg mistral, sa sclaresch’el scha ilg mistral sa conceder tala lubienscha; bein aber deig par 8 gis da l’amprima instanzia navend, buc esser lubeu da practicar quei vau.
Duess in senza dregs surpassar inna en tal moda concedida scumondada, schi eis el suttoposts alg ploing dilg sekelmstr., sco er deig dilg mistral vangir taneu in exact protocoll da tuttas dad el concedidas scumondadas. Scadin creditur, ca garegia tiers ilg mistral da puder far stumadira, eis obligaus da deposar tiers quel inna sigrada dad in Thlr. f. 3. 20, or dilg qual deig vangir tenor statuts a breigias indemnisau ils stumadurs ad ilg veibel.
FURMAS DILS SARAMENTS.
(Ineditum nach Ms. UW.)
[p. 46] Furma d ’ilg Sarament, ca ven daus a lgi Mistral.
1. Vus vangits ad angirar dad esser in fideivel a nunpertischont Mistral e cau da niess Cumin, ilg laud ad hanur da Deus a tut ilg bien promover a fürdriar, ad ilg mal taner sut a cassar;
2. Vangits vus ad angirar dregs a frietats d’ilg Cumin taner si a gidar muntaner;
3. Vangits vus er ad angirar de metter a taner ilg sagi d’ilg Cumin enten sagirs logs ad enten bien guvern a nua ca ei vangiss da sagilar d’ampurtonza, adinna sagilar cun cusselg da mes hundraus singurs, tont sco pusseivel ei;
