 |
Questa pagina è ancora da trascrivere o è incompleta. | |
Il cumin d' Ursera 1425 753
540Al stab dil Segneradi
E han cumplein posses
Dils dretgs dil vischinadi, —
La causa ditg vertenta
Dell uniun urgenta
545Cun Uri nies vischin. —
Fetsch quei sin buna fin. —
Vus umens della vall!
Nigin sa dispitar
Nies dretg de s' alliar,
550Quei dretg ei schi perfetgs,
Sco tuts noss auters dretgs,
Dals retgs documentaus
E tschiens ga approbaus.
Vein gie las truccas pleinas
555De quellas purgameinas.
Ils paders de Muster
Secreian bein d' haver
Certs dretgs sil regiment.
Quels valan de present
560Mo aschi lunsch sco nus,
Cun star modest e prus,
Surfrin lur ugadia,
Vertin lur signeria.
Il tratsch de nossa vall
565Ei tratsch imperial,
E mo gl' imperatur
Ei nies suprem Signur.
Bein han noss perdavonts
Gudiu in pèr tschien onns
570La protecziun claustrala,
Et en vertit legala
Portau la consequenza
De tala dependenza;
Mo lezz' advocatura
575Ei stada mo procura,
Procura pigl imperi
U simpel ministeri,
En num e competenza
Dil retg en si' absenza,
580Pussonza empristada,
Che sto vignir turnada,
Pussonza per semeglia
Sco quella de fumeglia,
Pladida d' in patrun.
585Vus umens della Vall
Gudis la libertat,
Schi ditg sco l' Uorscha stat,
Romanische Forschungen VIII.
Schi ditg sco Andermatt,
Realp e Hospental
590Existan cheu en vall.
Noss purs han mai schigiau
Il paun de servitit,
Il pievel mai portau
Cadeinas de subdit.
595La tuor, che mira leu
Sin nus aschi de tgeu,
Stuess vus dir: „Adina
Ha cheu la glieut cummina
Tenor isonzas e vegls patgs
600Teniu cummin, regiu ses fatgs,
Tscherniu tuts ses offizials,
Tuts ses gieraus, tuts ses mistrals;
E quei ch' il pievel cheu tschentava,
Quei fuva lescha, ch' obligava
605Signur e pur, schizun gl' avat.
Quei fuva tschentament
Qual ei in meglier mussament,
Vus umens della vall,
Per nossa libertat?
610Bein existev' il condament,
Che nies mistral regent
Ritscheivi dal convent
Il niebel dretg de spada,
Sco forza empristada
615Dals retgs e dagl imperi.
Perquei sto nies mistral
Cun tut il dicasteri
Naven da Hospental
Serender a Muster,
620Per leu tenor isonza
La spada obtener;
Mo pintga importonza
Posseda quei viadi.
Ils dretgs de Signeradi
625Surdai als vegls avats
Ein mo formalitats
E piardan di per di
Lur forza pli e pli.
Las tschentadas curdadas
630Ston esser approbadas,
E las misiras pridas
Vegnir renconaschidas;
Perquei podeis vus èra,
Vus umens ded Ursera!
635Cun Uri seligiar;
48
