 |
Questa pagina è ancora da trascrivere o è incompleta. | |
Igl Eremit S. Sigisbert 733
La glina mira giu dal piz Russein
E tras la selva till' in dulsch serein.
Ed ina vusch de tschiel aud' el clomar:
„Cheu eis ti Sigisbert! — Cheu stoss ti star!
55 Essent mitschaus dals latschs dell' ambiziun
Dun jeu a ti la nobla commissiun,
De conduir sils trutgs de libertat
In pievel simpel, senza vanadat.“
II.
La selva deserta aunc maine snizzada
60 Rebatta da sfracs e da fridas - cugnada.
Il Sogn obedeivels al Segner prepara,
De far ina tegia per star en la tiarra.
Lavura cun forza e peina pignola:
El sroma, spalletscha, tschancuna e dola,
65 El runa, mesira, emplun, cuviera
E fa lu de miscal lient la litgéra. —
In' esca dil satan ei quel che s' empatscha
De star en palazs e dormir sin plumatscha.
Sil crest della largia cun gronda fadia
70 Bagheg' el in tempel a Mumma - Maria.
Traffica cun crappa, cun pal e palutta;
„Pli gronda premura marett' la caplutta“, —
Ornescha gl' altar cun pizzets e cun teilas,
Cun matgs e girlandas, cun vuts e candeilas,
75 E tschenta sil trun la migeivla auctura
De tut sias ovras, la mumma - Signura.
La grippa quietta, la vall bandunada
Resunna da himnis, da messa - cantada.
Parfincals, merlotschas sgolatschan, seplontan
80 Sil tètg della tégia, schulitgan e contan.
Ils uors en lur taunas ein pleins de merveglias
Marmugnan e cuorran gizzont las ureglias,
Mo prendan la fuigia lu tut en derutta,
Vesent la statura dil Sogn, la caplutta,
85 Ed or sin la muotta compara la tscherva
E gauda segira, ruasseivla dell' erva.
Per ina pitesch' el negina munconza,
De fretgs e ragischs ha gl' uaul abundonza;
Dentont calculesch' el, che sia pastira
90 Savessi vegnir ina buna cultira.
El runca las caglias e scava la terra,
El tschincla la prada cun seif de palèra.
