 |
Questa pagina è stata trascritta ma deve essere formattata o controllata. | |
730 Giachen Caspar Muoth
7. E mellis imploran, che Dieus el protegi;
E tut giubilescha: „Igl ei reussiu!“
Vesent, co il cuvel ad ault el smanegi.
La veglia bandunna il liug de burniu.
Da scala ardenta el seglia givlont.
La fuol' inturescha il mat gratulont.
8. Il giuven entaupan carinas égliadas
Pertut, nu ch' el pass' en marcaus et uclauns.
Ils umens gli toccan il maun cun strocladas
[p. 92] Et el benedeschan ils cors de dunauns.
Sch' in retg persuenter la cruna gli dess,
El bein sur la paupra pagaglia riess.
9. Las cronicas resdan la gronda bravura,
E pretgan dell' ovra al posteriur.
Negina dentont ha enflau auncallura —
Jeu ditgel nuidis — il num digl auctur.
Mo maunc' ér' lausura in franc document,
Sch' emblid' ella bucca igl Omnipotent.
La veglia lavonza.
(Aus dem Cudisch de lectura da Gerold Eberhard II., Cuera, 1882, p. 227 ff.)
[p. 227] 1. La veglia, mira leu spel begl l' activa,
Cul tgau tut alv, smugliont, lavont ils ponns!
Lavonza ferma, frestgia aunc e viva,
Malgrad ils ses passai siatontotg onns!
Siu paun ha quella duna gudognau,
Activa, prusa semper e honesta,
Cun barghignar, uss' gleiti consumau
Ils maghers dis de sia sort modesta.
2. Il temps de sia bella giuvintetgna
Ha ell' amau, fidau, se maridau,
Portau, surfriu la sort de passadetgna;
Quitaus, disgusts han éra bucc' muncau.
[p. 228] Ha flegiau siu um malsaun, pupratsch,
Dentont a treis affonts dau la naschienscha,
Schaschent igl um spartius sut il terratsch,
Mai bucca pers fidonza e cardientscha.
3. Treis orfans de nutrir ei se tractava.
La duna quei surpren cun bien humor.
En buna disciplin' els educava,
Activitat e regl' ei siu tresor.
