Pagina:Decurtins - Rätoromanische chrestomathie, I.djvu/753

724 Giachen Caspar Muoth La pli impurtonta caussa fuva quella damaun en casas de matteuns, ultra della giufna seza, il canaster. Quel stava sin meisa sco in retg sin siu thron e denturn el fuva l' entira familia rimnada. La mumma vegneva nautier cun veschlas, la tatta teneva pettas zartas, il bab portava 5 in schnueivel schambun cotg, il frar smanava pulpas ed andutgels, ed ils affonts manedels, nua ch' ei deva tals, bettliava(u)[n] e litgiaven la detta, e tut quellas preziusas caussas schvanevan el ravugl dil canaster sco en ina gula infernala. Quel dueva accompognar la saltunza tier il scheiver e survir … ad ella ed a siu signur per fortificaziun ed ustonza encunter las nun 10 dumbreivlas lunnas dil magun; defertont ch' il signur haveva l' obligaziun de dustar la seit a sia signura cul vin el tschaler suteran della casa de scola. Bab e mumma volevan gie che lur mata fetschi honur a la familia, per quei haveva il canaster oz tala impurtonza. — Semussont vonzei il sulegl ella val, bandunan ils mats en lur resti de 15 festa las casas paternas, per ir a solver tier lur signuras. — Il pauper Lazarus avont la porta dil rechum havess oz preferiu las miulas, che curdavan … giud las meisas dellas matteuns de Cresta a quellas della meisa de siu signur el niev testament. — E cun tgei preschientscha ei lu la pèra suenter solver comparida en casa de scola! 20 Lau ein ils sunadurs postai en in cantun, ed alzont vonzei la clarinetta dil Stoffel sia vusch tremulonta, semetta la pèra en retscha e piclont la duna dil parlèr grond las cordas dil Hacbrett, entscheivan ei ad ir enturn, il capitani cun l' Emma ordavont e laschont la harmonica udir ses miedis mieivels e la violina ses tuns sprezis e pleins d' energia, entscheiva ina 25 furiusa galoppada, che la casa strembla, e suenter vegnia(u)[n] ils turnighels d' in valzer ed allura las traversadas d' ina polca e pli ils sparuns d' in schottisch e las zacussas d' ina mazurca; e fagient il parlèr grond in liung streh sin la corda grossa sefiera puspei cun niev fanatismus l' entira schumellina … en ina sturna galoppada, — ed aschia vinavont entochen miez di 30 e suenter marenda fin a mesa notg. La festa populara ha priu sia entschatta e la giuventetgna de Cresta sedat vi al divertiment senza reserva e beiba il calisch de letezia cun seit ardentà. — Ella ei tschorventada de quei nar e curios delizi de saltar, pil qual la giufna schlateina ton dils marcaus sco dils vitgs, ton dils signurs 35 sco dils purs ha ina nara fleivlezia ed ina intima propensiun. Cun tgei tenerezza tenevan ils mats lur signuras enturn tschenta, co giravan las giufnas lomamein enturn lur saltunzs, tadlont sin la emperneivla melodia dil harmonium! E siglent la clarinetta sisum la scala chromatica, giubilont cun la vusch la pli gita, sco [s]che ella voless penetrar il firmament; 40 … tgei grius devan ils mats si, co bettevan ei lur capiallas egl aut! — E mont la violina giu en las profunditads, ramuront sco il tun carteva(u)[n] … ils saltunzs d' era stover sebetter giu ad en ella tauna, ord la quala il parlèr grond prendeva si ad ora ses tuns, e co sesturschevan e