Pagina:Decurtins - Rätoromanische chrestomathie, I.djvu/752

Igl asen e siu patrun, La dunna e la gaglina, Pregiudezis 723

Igl asen e siu patrun.

(Aus der Ligia Grischa, Nr. 45, 1872.)


 
Pleins tema mava in veglet
Cun gl' asen ora sin pastget.
Ei fuva giest in temps d' ujarra
E pauc sigir en quella tiarra.
5 Cheu ves' el gl' inimitg vegnir
E di agl asen de fugir.


Mo quel, giezont sias ureglias:
„Tî tat! jeu vessel er marveglias;
Con quella glieut fan mei portar?“
10 „Gie cherli ton sco' i san cargar.“
„Bah lu,“ di gl' asen, „fai ca prescha,
Ti cargas er pli ch' ei survescha.“

La donna e la gaglina. (Aus der Ligia Grischa, Nr. 45, 1872.)


Ina dunna povretta
Veva ultra la casetta
Conservau per ses vegls ons
Ina bella biua nera,
5 Che haveva mintga sera
Egl igniv in jev davons.
Mo la dunna buc contenta


Leva aunc haver dapli.
Ell' entscheiva ad engraschar
10 La gaglina notg e di,
Tochen quella cun magliar
Igl uar emblida vi.
Cun gargiar il nunpusseivel,
Perdan biars il demaneivel.
La dunna e la gaglina.
(Aus der Ligia Grischa, Nr. 45, 1872.)

Pregiudezis.

Novella originala.

(Aus der Ligia Grischa, Nr. 40 und 41, 1875.)


Il Mardis avont Gievgia grassa ei cheu. Ses sunadurs ein arrivai. Ei fuva il parlèr grond e siu quinau cun violina e clarinetta e lur dunnauns cun harmonica e hacbrett. La sera avont haveva era il viturin giu manau duas carga(u)s vin a Cresta e casau quellas el tschaler della casa de scola. — Il caluster ha priu ils bauns ord la stiva, e lavau si il plau[n]tschiu. Ils scolars han treis treis dis vacanza. — Tgi voless ussa descriver la legria de raschuneivels car[s]t(s)geuns la damaun dil Mardis avont Gievgia Grassa?! — In che havess cun in niev microscop saviu contemplar oz ils cors della Giuventetgna, havess enflau en quels in parvis pleins de splendur e pleins d' aunghels en harmonia celestiala; las passiuns ed ils quitaus, quels aunghels cul peil ner, che prendan enqual gada possess dil cor human e midan quei parvis en in ufiern, haveva oz in niev erzaunghel, la legria, fiers ellas stgiradetgnas dadora.

46*