 |
Questa pagina è ancora da trascrivere o è incompleta. | |
Collectiun da Canzuns Spiritualas 575
… Canzun
davart la Providentia da Deus.
[p. 94] Aultischem Deus, ferm Cussilgier,
Ca regias tut, cunsalvas er!
Sur Tschiel a Teara ven sa stender
Tieu Moun pussent, c' ha tut scaffieu,
5 Er quei has ti da gig schon vieu,
Ca dei vangir e 'lgs Temps suenter.
[p. 96] Tîas Ovras sa nagin dumbrar,
A tîa Buntad buc preziar!
Solelg a Plievgia ti urdeinas;
10 Tras Schig a Bletsch sas castiar,
Er Ons frichieivels sas ti dar:
Tut tier nies Bien ti fas a meinas.
D' ilg Freid la Teara sto schelar,
Cur ti, o Deus! vens cumondar,
15Mo ven puspei cauld' a frichieivla,
Cur nus Svantira ven scuntrar,
Ner er Vantira; sch' eis ei clar,
Ca tîa Pussonz' ei smasireivla.
[p. 97] Lai pi' o Deus! ca tens ilg Mund
20En schi bien Uorden — mei cunzund
Ngir cusalvaus da tei adina!
Dai, en la Crusch ch' jou seig patients,
Dai er' ch' jou seig racunaschents,
Par tîa Benedictiun divina!
25 Dai, ch' jou Fidonza haig sin tei,
Ca buc Quitaus plugegian mei,
P' ilg Avangir nuot mi tumenta!
Ti eis, rumongias mieu Amig,
Chei po mi far ilg Anamig?
30 Nagut je, senza tei daventa.
Canzun
da Parmavera.
[p. (3)[4]26] Il Solelg cun sîa Clarezia
S' aulz' a dat pli gig uss clar;
Tut ei leger, ha Latezia:
Jou duvess buc er cantar?
La Natira morta riva
Puspei nounavont a viva.
5Laud' angrazie, mîa Canzun,
Mieu Scaffider, grond Patrun!
[p. 428] Uss ilg Pur sieu Feld lavura,
Ad ha Spronza cun semnar,
Ca sieu Sem vengi' anzacura
10 Richameng a gartigiar;
Crei, ca Deus quel benedeschig.
Sch' el sieu Feld bein cultiveschig,
Er jou vi d' el mi fidar,
Cun Latezi' a lgi cantar!
15 Mire, co la Parmavera
Van tras Felds a tras ils Vaults,
Sa lagrond la Muntanera
Da las Nursas ad Armaults!
Co' ls Utschels uss en Bearezia
20 Laudan Deus, ad han Latezia!
Laud', angrazie, mîa Canzun
Uss er ti mieu ault Patrun!
Cun chei beala Vascadira
Fa Parad' uss' minchia Flur!
25 Quont bi stat uss la Natira
Cou avont sieu grond Singiur!
[p. 429] Quel, ca dat Plievgi' a Rugada,
Par far verdagar la Prada.
Laud', angrazie, mîa Canzun,
30 Uss er ti mieu ault Patrun!
O Deus, questa Parmavera,
Quont dabot ven' la sgular!
Mo ti, Senger, vens lur era
Tras tieu Filg vonzei a dar
35 Lou perpetna Parmavera
A quels, ch' han Cardienscha vera.
Laud', angrazie, mîa Canzun,
Miu Scaffider, grond Patrun!
FLORIAN WALTHER.
Collectiun da Canzuns Spiritualas, Cuira, Stamparia da B. Otto. 1816.
