Pagina:Canzone e Ariette nove.djvu/95


ariette nove 85

Stammo int’ Austo e chiove...


Stammo int’ aùsto e chiove,
     nun pare cchiù ’a staggione:
     ma nun mme fa mpressione,
               anze mme piace.
Mme piace st’aria fresca
     ca p’ ’a fenesta trase,
     e ca mme pare quase
               aria ’e ll’autunno.
Mme piace si p’ ’a strata,
     addo’ nun passa gente,
     io sento sulamente
               parlà ddoie voce...
Malincunia, tu, forse
     tu, mme l’ ’e’ fatta amà!...
     E tu resuscità,
               tu ’a faie, stasera...