Pagina:Canzone e Ariette nove.djvu/63


lassammo fa’ dio... 53

nce ammuntunaino, dinto, ’e puverielle,
e s’ ’e purtaino n’cielo...
. . . . . . . . . . . . . . . . . . . . . . .


’A mappata.


Figurateve nu poco
     sta mappata ca pe ll’ aria
     ogne tanto s’abbuffava,
     se sbuffava — e viaggiava
     ncopp’ ’o viento — chiana ’e strille,
     chiena ’e ggente — Cchiù de mille!
Figurateve nu poco che nzalata e c’ammuina!
     Chi chiagneva, chi rereva,
     chi alluccava: «I’ mo mm’affoco!»
     Chi cantava — chi chiammava:
— Neh, Totò!.... — Peppi’!... — Giova’!..
     Donn’Anié! — Don Ferdinà!...
— Mo addo’ jammo?... — E ba’ nce ’o spia!...
— Chi s’ ’a fatta ’a pippa mia?...
— Prufesso’!... — Pronto!... — Addo’ state?