 |
Questa pagina è stata trascritta ma deve essere formattata o controllata. | |
| — 81 — |
- Le jagher dal jal da galeder.
Na sëra sarëna dër böla de Ma,
De fòra la lœna prëš colma co da.
La ora co bat z̄ëgn la œna de nœt,
Le jagher tralaša atira so löt.
Les ciaspes, le rucsoc, le stlòp sœl spinè,
Atira ö-l stè vël con dœt arḡignö.
Con james lesieres va-l cuntra le bòsc,
Dò n'ora o dœs èdl ël sœn le pòst.
'Mprœma se fès̄-el 'n füc sot 'n lëgn,
Se 'mpëja la pipa y palsa dër bëgn.
Do 'm pöz le calander mët man da ciantè
Y 'ncünda al jagher ch'al vëgn prëst la dö.
Y tòst ö-l le jal spo co cianta sœl lëgn, -
O jagher atira arḡigne-te z̄ëgn.
Al alza les ares, destira le còl,
Le jagher dertánt ḡi damprò spo i pò-l.
Z̄ëgn tir-el 'n šüre y laša 'l ciantè,
Sœn chësta le jagher spo l'a-l asmatè.
Respòsta la-sora da l'jal dessenè,
El ḡora alèrc spo - y vëgn stlopetè.
'N cighe la-sora, le coi sœ spo snöl,
Fornëš con na plœma dal jal so ciapöl.
Josef Frontull
