Pagina:AA. VV. – Opuscoli e lettere di riformatori italiani del Cinquecento, Vol. II, 1927 – BEIC 1889291.djvu/210

V

Olympia Fulvia Morata Chiliano Sinapio I. C. S. P. D.

Nihil ad tuas literas rescripsimus, quoniam puerum nostrum, qui ad vos, ut mala medica isthinc asportaret, profectus erat, tibi indicasse putabamus, ut ei diligenter mandatum erat, nos illi tuo affini, de quo scribis, nullam opem afferre posse, cum non mediocriter laboraverimus, ut alteri ex istis, quos iam tot tnenses aluimus, hic prospici posset; sed nihil effecimus. Adhuc Andreas Campanus urget, ut suum nepotem ad nos recipiamus. Mihi crede, si omnes Suinfordenses iuvare possemus, nihil nobis gratius neque iucundius esset. Etiam Andreas Rosius ludimagister, se vitam in summa egestate degere ad nos scripsit, velletque hic suam operam in erudiendis pueris navare, at pestilentia obstat. Tu si quid potes (potes autem plusquam nos) succurre illis miseris, et ornili cogitatione curaque tu et Gotualdus ad adiuvandatn patriam vestram incumbite: nos, quantum in nobis situm est, contendimus. Ex literis quas proxime ex Italia accepi, Ferrariae crudeliter in Christianos animadverti intellexi ; nec summis, nec infimis parci ; alios vinciri, alios pelli, alios fuga sibi consulere. Tu quid de fratre, ut sciam cura. Maritus meus te salutat. salutem dicit tuae uxori et D. Andreae Gotualdo. Heidelbergae, vii Calendas Februarii, [1555].

I

Olympia Morata doctori Ioanni Sinapio S. P. D.

Literas tuas accepimus, quas nobis magister Vitus reddidit. Superioribus, quas ad me in lecto iacentem dedisti, cum essem Furstenaiae morbo impedita, respondere non potui: iam breviter utrisque respondebo. Primum gratias tibi agimus ingentes, quod