 |
Questa pagina è ancora da trascrivere o è incompleta. | |
XXXI.
Che a ro fresco aora desteizi
Ò de maccia ò de fontaña,
Con Arcadie a ra villaña
De Pareizi,
Faran brindexi in lô góve
A ri nettari de Giove:
XXXII.
Aora a scioî tutte çernúe
Prezentando e a cançonette
Ro sò Duxe in ghirlandette
Intesciúe,
A portághere in regallo
Spediran ro sò Cavallo.
XXXIII.
Ma per fâ zœumoǽ viaggio,
Muza, sciù donca a galoppo,
Ro dî tutto, Muza, è troppo
Gran travaggio.
Basta dîne con Parnazo,
Che l'è un Sô, ma sença occazo.
