Pagina:Çittara zeneize 1745.djvu/186

Del Cavalli

Al Sig. Pier-Giuseppe

Giustiniani.



S
e ben, trattando ro mestê dra Guerra,

Vivo dent're faccende sotterrao,1
Signor Piero Gioxeppe, e son forçao
A lasciâ andâ re vixite per terra,

Voî, tra quenti Patroin m’agge a ra terra,
Così ben porto dent’ro cœu stampao,
Che, se ben largo, ve son sempre a lao,
Pronto a servîve in cappa e simiterra.

Per fâve donca vei che ve son scciavo,
Che vivo, int’ro daffâ torna a derrui,
Poeta, finchè scciatte ro Diavo,

Ve mando in un papê mille sarúi,
Reservandome a bocca a fâ dro bravo
Con Sonetti, chi voæran dexe scui.

  1. Era Cancelliere al Magistrato di Guerra.