 |
Questa pagina è ancora da trascrivere o è incompleta. | |
XXVII.
Q
uesto gran Sô, chi ne pertuza e scotta,Chi ne secca re veñe, e n’assassiña,
In paragon dro Sô dra mæ Maxiña,
È, ciù tosto che Sô, Luña marotta.
Questo in vintiquattr’ore piggia votta,
In Ponente ogni seira o se confiña:
Quello, in un mezodì chi no decliña,
Fa strixellâ fin a ri petabotta.
Ra mæ Maxiña è un Sô fæto a sò posta,
Sô tanto bello, che, stravisto a caxo,
Fa fâ segni de croxe d’esta posta.
Ma visto, ma spegiao fisso e abellaxo,
Fa dâ dentr’uña frevemadecosta.
Giudiche aora ro mondo ro mæ caxo!
